МОНГОЛЫН ХАМГИЙН ТОМ БАНК БОЛОХ ХААН БАНКНЫ IPO ЗАРЛАГДЛАА. ИЛҮҮ ХЯЛБАРААР ХУРДАН, ШУУРХАЙ АРИЛЖААНД ОРОЛЦОХ БОЛОМЖТОЙ БОЛЛОО.
1. "MONSEC" АПП-ЫГ ТАТАЖ СУУЛГАХ ХОЛБООС
2. УБ хот , Бөмбөгөр худалдааны төв Орон зай төв 701 тоотод биечлэн ирж захиалга өгөх Утас: 91918840, 99191554. 70153090
3. Сүхбаатар аймаг биечлэн ирж захиалга өгөх - Ногоон хотхон 101 р байр 1 давхарт Утас : 94070770, 80272774, 88486366
4. Дорнод аймаг биечлэн ирж захиалга өгөх - Хэрлэн зочид буудал зүүн блок Утас: 99662297, 88582721
Facebook page - МОНСЕК ҮЦК
“ХААН Банк” ХХК нь хувьцаагаа олон нийтэд санал болгон нээлттэй хувьцаат компани болох ажлаа өнөөдрөөс албан ёсоор эхлүүллээ.
Банкны тухай хуульд оруулсан нэмэлт, өөрчлөлтийн хүрээнд ХААН Банк 2021 оны 2-р сараас эхлэн нээлттэй хувьцаат компани болох бэлтгэл ажлыг холбогдох хууль, журамд заасан хугацаанд, шат дараатайгаар хийж ирсэн. 2022 оны 12-р сарын 9-ний өдөр Санхүүгийн зохицуулах хороо ХААН Банкийг нээлттэй хувьцаат компани болж, олон нийтэд хувьцаагаа санал болгохыг зөвшөөрч, үнэт цаасны бүртгэлд бүртгэхээр шийдвэрлэсэн билээ.
Үндэсний хэмжээний хамгийн том банк, санхүүгийн салбарт тэргүүлэгч ХААН Банк нь IPO-ийн хүрээнд нийт хувьцааныхаа 10 хувьтай тэнцэх хэмжээний буюу 191,219,800 ширхэг хувьцааг нэмж гарган, нэгж хувьцааг 959 төгрөгөөр олон нийтэд санал болгож, нийт 183.4 тэрбум төгрөг татан төвлөрүүлэхээр төлөвлөж байна. Олон нийтээс татан төвлөрүүлэх тус хөрөнгийг банкны дунд хугацааны стратегийн хүрээнд хэрэгжүүлэх цахим шилжилт, мэдээллийн технологийн хөрөнгө оруулалт, байгаль орчинд ээлтэй ногоон төсөл, хөтөлбөрүүд болон урт хугацаат орон сууцны санхүүжилтэд тус тус зарцуулахаар төлөвлөж байна.
ХААН Банкны нийт актив 2021 оны эцсийн байдлаар 13.5 их наяд төгрөг байсан бол 2022 оны 12-р сарын 31-ний байдлаар 15.0 их наяд, зээлийн багц 7.0 их наяд төгрөгөөс 8.0 их наяд, татан төвлөрүүлсэн хөрөнгө 12.0 их наяд төгрөгөөс 13.3 их наяд, нийт цэвэр ашиг 291.5 тэрбум төгрөгөөс 449 тэрбум төгрөгт хүрсэн нь нийт банкны системийн хэмжээнд тэргүүлсэн хамгийн дээд үзүүлэлт юм.
ХААН Банкны хувьцааг олон нийтэд арилжаалах анхдагч зах зээлийн арилжаа 2023 оны 4-р сарын 13-19-ний өдөр Монголын хөрөнгийн бирж дээр явагдана.
Эрхэм хөрөнгө оруулагч та бүхэн хувьцааны талаар дэлгэрэнгүй мэдээллийг ipo.khanbank.com цахим хуудас болон банкны вэбсайт, сошиал сувгуудад хандан авах боломжтой. ХААН Банкны үнэт цаасны танилцуулга арга хэмжээ маргааш буюу 2023 оны 4-р сарын 6–ны өдөр 11:30-13:30 цагт нийслэлд “Шангри-Ла Улаанбаатар” зочид буудлын Хүндэтгэлийн хүлээн авалтын танхимд, орон нутагт Дархан-Уул, Орхон, Өмнөговь, Хөвсгөл аймагт нэгэн зэрэг болох бөгөөд МҮОНРТ орон даяар шууд дамжуулан хүргэх юм.